蝴蝶結姐姐歎生活

有一天大家都嘻嘻哈哈說一齊去旅遊，但當機票酒店都訂下來時，就真的要開始認真計劃行程啦。與朋友出外旅遊既興奮又擔憂，興奮的當然是齊娃娃去旅遊啦，擔憂的卻是無法知道在行程時大家相處到不到。如果在旅行途中，身邊朋友的特質是以下幾點的，恭喜你，感謝你遇到難得的旅行伙伴啦！

---------------------------------------------------------------

找尋旅遊景點的路線
基本上當大家都有想去的地方，綜合後總需要有一個人去找尋這個行程路線怎麼去，熟悉地圖的就要靠佢囉。

出發前買齊所有嘅門票
如果在出發前有人已經把門票啊、旅遊保險之類的，買齊了，真要謝謝佢。

見你弱不襟風的時候，會替你攞行李
旅行上下樓梯，撐著行李那麼辛苦，如果旁邊人不忍心地替你拿，那時候真的要謝謝這朋友囉。

無論你走得幾咁慢，佢都會停低等你
旅途路上總會有人行得慢，行得快，如果行得慢嘅回過頭望見到行得快嘅正在等著自己，真的十分之體貼的。

總會主動替你影相，影出你唯美或搞笑的角度
去旅行時個個都想多拍照留念，如果有人會主動替你多拍照，教你擺不同pose，真的要謝謝佢，當然亦要互相幫忙拍照啦。

攰的時候，可以靠在佢的膊頭休息
搭車搭船搭飛機嘅時候，旁邊人的膊頭是最好靠的，如果身邊那位朋友沒有介意你躺在佢的膊頭，是不是要感激佢呢?因為佢都好攰㗎。

購物時，買衫買鞋會畀意見你
尤其是購物有選擇困難症的人，身邊人給予意見，真的幫了不少忙呢!

沿途路上有講有笑，就算靜下來時也不會感到尷尬的
旅行幾天日對夜對，有講有笑當然好啦，但係若然靜下來時，亦不會感到尷尬的，這個朋友是值得交啦。

就算夜晚刷咗牙，宵夜幾咁肥，都會有人陪你去食
明明夜晚已經食得很飽，飽到上心口，但番到酒店時肚餓，總會有個人願意冒著夜晚吃野會肥嘅風險，刷咗牙嘅事實，陪你去食宵夜。

返到酒店房間不會介意你的衣衫不整
行咗一日，返到酒店是最舒服的，有冇人一返到酒店就會除掉衣服，跳上床或者在房間周圍走？如果這個時候，身邊朋友沒友介意的，真的太好啦！或者佢都已經習慣了，哈哈。

旅遊是開心的，避免一次旅行搞到大家旅行時或者日後面左左，出發前預先與旅伴溝通好，互相體諒，才譜出以後更多愉快的旅遊回憶哦！致愛情和友情。

相關閱讀：【旅遊】結婚前就要珍惜同朋友去旅行的機會‬ http://goo.gl/GCjdqV

————————————————-——-——-

│ 邀稿合作 Email： butterfly.enjoylife@gmail.com │

————————————————-——-——-

謝謝收看！歡迎點擊蝴蝶結姐姐的其它網誌！